جشن آزادی بین الصوباٸی باسکٹ بال چیمپٸین شپ کے مینز ایونٹ میں پنجاب اور خیبر پختوا نےجبکہ وویمنز مقابلوں میں اسلام آباد اے اور پنجاب نے حریف ٹیموں کو شکست دیکر کامیابیاں حاصل کر لی۔ پاکستان باسکٹ بال فیڈریشن کے زیر اہتمام فیڈرل باسکٹ بال ایسوسی ایشن کی زیر نگرانی لیاقت جمنازیم اسلام آباد میں منعقدہ پانچ روزہ چیمپین شپ کے مینز ایونٹ کے پہلے میچ میں پنجاب نے اسلام آباد بی کو آسان مقابلے کے بعد 47کے مقابلے میں 89پواٸنٹس سے شکست دی۔
پنجاب کی طرف سے صفیع اللہ نے 26اور محمد عبداللہ نے 20پواٸنٹس سکور کٸے جبکہ اسلام آباد بی کی طرف سے محمد عمر 10، احمد احسان 10پواٸنٹس کر سکے۔ دوسرے میچ میں خیبر پختونخوا نے سخت مقابلے کے بعد عبدالوہاب کے 23اور عمر خان کے 18پواٸنٹس کی بدولت اسلام آباد اے کو 70کے مقابلے میں 73پواٸنٹس سے شکست دی۔ اسلام آباد اے کی طرف سے عثمان اعوان 20، راجہ فرحان 10پواٸنٹس سکور کر سکے۔
وویمنز کیٹگری میں پہلی بار کھیلی جانیوالی بین الصوباٸی باسکٹ بال چیمپٸین شپ میں اسلام آباد اے نے اپنے شاندار کھیل کی بدولت خیبر پختونخوا کو 32-51پواٸنٹس سے ہرایا۔ اسلام آباد اے کی طرف سے عاصمہ خان 12، معروف علوی نے 8پواٸنٹس سکور کٸے۔ دوسرے میچ میں پنجاب نے اسلام آباد بی کو 43کے مقابلے میں 67پواٸنٹس سے شکست دی۔ پنجاب کی ایمن محمود 17، خدیجہ مشتاق نے 14 پواٸنٹس جبکہ اسلام آباد بی کی شانزلے بی بی نے 9پواٸنٹس سکور کٸے۔ پانچ روزہ ایونٹ میں مینز اور وویمنز پول راونڈز کی ٹاپ دو دو ٹیمیں سیمی فاٸنل کیلٸے کوالیفاٸی کرے گی۔
