پاکستان پیپلز پارٹی کے رہنما اور وزیر محنت سندھ سعید غنی کا کہنا ہے کہ حافظ نعیم الرحمان میئر بننے کی لاعلاج بیماری میں مبتلا ہیں۔تحفظ کراچی مارچ میں امیر جماعت اسلامی سراج الحق کے بیان پر ردعمل دیتے ہوئے صوبائی وزیر سعید غنی کا کہنا تھا سراج الحق صاحب، کراچی کے بلدیاتی نتائج پر اپنی معلومات درست کر لیں۔
سعید غنی کا کہنا تھا پیپلز پارٹی اس وقت کراچی کی سب سے بڑی جماعت ہے، کراچی نے پیپلز پارٹی کو مینڈیٹ دیا ہے اور میئر بھی پیپلز پارٹی کا ہی ہو گا۔صوبائی وزیر کا کہنا تھا جماعت اسلامی رونا دھونا بند کرکے اپنی شکست تسلیم کرے، حافظ نعیم الرحمان میئر بننے کی لاعلاج بیماری میں مبتلا ہیں۔
