یومِ دفاع و شہداء کے موقع پر راولپنڈی میں جنرل ہیڈ کوارٹرز (جی ایچ کیو) میں ایک پروقار تقریب منعقد ہوئی۔
اس موقع پر پاک فوج کے چاق و چوبند دستے نے جی ایچ کیو میں یادگارِ شہداء پر سلامی دی۔
پاک فوج کے ایڈجوٹینٹ جنرل نے شہداء کو خراجِ عقیدت پیش کرنے کے لیے یادگارِ شہداء کا دورہ کیا اور پھول چڑھائے۔
تقریب کے دوران ایڈجوٹینٹ جنرل نے شہداء کے خاندانوں سے خصوصی ملاقات کی اور ان سے یکجہتی کا اظہار کیا۔
انہوں نے شہداء کے خاندانوں کے مسائل سنے اور انہیں ہر ممکن تعاون کا یقین دلایا۔
اس کے ساتھ ساتھ نشانِ حیدر پانے والے لانس نائیک محمد محفوظ شہید، سپاہی سوار محمد شہید اور کیپٹن سرور شہید کے مزارات پر پروقار تقریبات منعقد کی گئیں۔
پاک فوج کے چاق و چوبند دستوں نے سلامی پیش کی اور شہداء کی قبروں پر پھولوں کی چادریں چڑھائی گئیں۔
