آصف علی زرداری کا کہنا تھا کہ عمران خان کی گرفتاری کے بعد شہروں میں ہوئی ہنگامہ آرائی کو قابل افسوس اور شرمناک قرار دیتے ہوئے کہا ہے کہ عمران خان کو کرپشن کے مقدمے میں گرفتار کیا گیا ہے، انہیں ڈرنا یا بھاگنا نہیں چاہیے بلکہ عدالتوں کا سامنا کرنا چاہیے۔سابق صدر نے کہا کہ وہ خود 14 سال جیل میں رہے لیکن کبھی کسی جیالے کو قانون ہاتھ میں لینے کی اجازت نہیں دی۔
آصف علی زرداری کا کہنا تھا کہ پیپلز پارٹی کے رہنماؤں نے اپنی عمریں جیلوں میں گزار دیں لیکن کبھی قانون ہاتھ میں نہیں لیا۔ان کا کہنا تھا کہ سرکاری املاک کو نقصان پہنچانے اور انتشار پھیلانے والے عمل کو کسی صورت برداشت نہیں کیا جائیگا۔
