راول پنڈی میں بارش اور ژالہ باری کے باعث پاکستان اور نیوزی لینڈ کے درمیان چوتھا ٹی ٹوئنٹی میچ بے نتیجہ ختم ہوگیا۔نیوزی لینڈ نے پہلے کھیلتے ہوئے 18.5 اوورز میں 5 وکٹ پر 164 رنز بنائے تھے کہ تیز بارش اور ژالہ باری شروع ہوگئی جس کے بعد پچ کو کورز سے ڈھانپ دیا گیا۔
ژالہ باری کے باعث گراؤنڈ نے سفید چادر اوڑھ لی جو دلفریب منظر پیش کر رہا تھا۔بارش رکنے کے بعد گراؤنڈ میں پانی زیادہ ہونے کی وجہ سے میچ دوبارہ شروع نہ ہوسکا اور بے نتیجہ ختم ہوگیا۔عماد وسیم نے 3 کھلاڑیوں کو آؤٹ کیا، شاہین شاہ آفریدی اور حارث رؤف نے ایک ایک وکٹ حاصل کی۔
Rain in Rawalpindi cricket stadium#rain,#PakvsNz ,#Rawalpindi pic.twitter.com/iPR5HDOBO8
— Mahranikhan (@Mahrani90809546) April 20, 2023
نیوزی لینڈ کے چیڈ بوویس 54 اور ٹام لیتھم 13 رنز بناکر آؤٹ ہوئے۔ مارک چیپمین 71 رنز کے ساتھ ناٹ آؤٹ رہے۔خیال رہے کہ 5 ٹی ٹوئنٹی میچز کی سیریز میں پاکستان کو 1-2 کی برتری حاصل ہے۔
