آرمی چیف جنرل عاصم منیر کا کہنا ہےکہ پاک فوج پاکستان کی خودمختاری اور علاقائی سالمیت کےدفاع کے لیے پرعزم ہے۔آئی ایس پی آر کے مطابق آرمی چیف جنرل عاصم منیر نے ایل اوسی کا دورہ کیا، ایل او سی پہنچنے پرکورکمانڈر راولپنڈی کور نے آرمی چیف کا استقبال کیا۔
آرمی چیف کو ایل او سی پر تعینات فارمیشنز کی آپریشنل تیاریوں پر بریفنگ دی گئی۔ آرمی چیف نے آپریشنل تیاریوں اور بلند حوصلہ برقرار رکھنے پر افسران اور جوانوں کو سراہا، آرمی چیف نے جوانوں کو مستعد رہنے اور لگن اور خلوص کے ساتھ فرائض کی ادائیگی پر زور دیا۔
پاکستان آرمی چیف کا دورہ ایل او سی، اللہ اکبر، پاکستان زندہ باد کے نعروں نے سرحد پار دشمن کو دہلا دیا#pindi,#loc,#armychief,#PakistanArmy pic.twitter.com/4Q5ArP64Xj
— Mahranikhan (@Mahrani90809546) April 6, 2023
آرمی چیف کا کہنا تھا کہ پاک فوج پاکستان کی خود مختاری اور علاقائی سالمیت کے دفاع کے لیے پرعزم ہے، پاک فوج یو این قرار دادوں کے مطابق جموں و کشمیر کا حل چاہتی ہے، پاک فوج کشمیریوں کی منصفانہ کاز کی حمایت کے لیے پرعزم ہے۔
